Axmed Ducaale Xaaf oo Loo Caleema Saarey Madaxweynaha Galmudug

0
41

Maantey oo Isniin ah waxaa ka dhacay magaalada Cadaado ee xarunta kumeel-gaarka ah ee Galmudug xaflad si heer sare ah loo soo agaasimey oo lagu caleema saarey Madaxweynaha Galmudug Axmed Ducaale Geele (Xaaf).

Xafladda caleema-saarka waxaa ka soo qaybgalay Madaxweynaha Jamhuuriyadda Federaaliga ah ee Soomaaliya Maxamed Cabdullaahi Maxamed, Wasiirka Arrimaha Gudaha iyo Federaalka Cabdi Faarax Siciid (Juxaa), Madaxweynaha Puntland Dr. Cabdiweli Cali Gaas, Madaxweynaha Koonfur Galbeed Shariif Xasan Sh. Adam, Madaxweynaha Jubaland Axmed Maxamed Islaan (Madoobe) iyo Madaxweyne ku-xigeenka Hir Shabelle Cali Guudlaawe.

Dhanka Beesha Caalamka waxaa ka soo qaybgalay, ergayga Qaramada Midoobey Soomaaliya u qaabilsan Michael Keating, Safiirka dalka Itoobiya, Safiirka dalka Jabuuti iyo marti sharaf kale.

LEAVE A REPLY

Please enter your comment!
Please enter your name here